O proxecto “Pel autóloga programable para a rexeneración funcional de feridas”, liderado por Luis A. Díaz Gómez e no que participan Patricia Díaz Rodríguez, Bárbara Blanco Fernández, Ángel Concheiro e Carmen Álvarez-Lorenzo, todos eles integrantes do grupo I+D Farma, foi seleccionado na XXIII Convocatoria de Axudas á Investigación Médica da Fundación Mutua Madrileña. O proxecto investigará o desenvolvemento de modelos de pel bioimpresa a partir de células do propio paciente co obxectivo de avanzar en novas estratexias para a rexeneración de feridas complexas. A proposta combinará tecnoloxías de bioimpresión con biomateriales para explorar solucións que poidan contribuír, a longo prazo, a mellorar o tratamento de lesións cutáneas extensas.

https://www.usc.gal/gl/xornal/novas/dous-proxectos-usc-idis-premiados-xxiii-axudas-investigacion-medica-fundacion-mutua-madrilena