O martes 7 de xullo celebrouse o acto de entrega dos Premios Extraordinarios de Doutoramento correspondentes ao curso 2023/2024 da Universidade de Santiago de Compostela. Entre as persoas galardoadas atópanse Ana Iglesias Mejuto e Axel Kattar, investigadores do grupo I+D Farma, cuxos traballos doutorais foron recoñecidos con este prestixioso premio no ámbito das Ciencias da Saúde. Este recoñecemento pon en valor a excelencia científica das súas investigacións e o compromiso do grupo I+D Farma coa formación de persoal investigador de alto nivel.